“LITURGI ALE AMANAMI” DI SMA NEGERI 2 BALIGE

“LITURGI ALE AMANAMI”

Prolog  :  Di maju ni zaman saonari on, Parbinotoan ni jolma pe lam tamba, jadi alani I sudena gabe mangsahon Pikkiran, Jala nunga di halupahon jolmai be Debata. Dang diparhatopot be balga ni huaso ni Debata. Tabegema liturgi Tangiang Ale Amanami.”

Kristen                        : Ale Amanami Nadibanua Ginjang

Baoa 1             : Boha nimmu..? ise mandok Ale amanami nadibanua ginjang? Anggo huboto amanami ima holan na huida I do, dang adong ama na di banua ginjang. Taringot Surgo pe gampang, au do nampuna surgo, Boha Huroa…??

Kristen            : Sai Pinarbadia ma Goarmu

Borua 1           : Ise muse mandok nabadia i..? Oiii… pantang so pabadia-badiahon do ho, beta tu Café-café an, disi do angka na badia. Pantang so bilak.

Kristen            :Sai ro ma Harajaon-Mu

Baoa 2             : Harajaon I di au do, dang marrumah tangga dope au, lajang dope au. Ba didok do au bapa. Di au do harajaon I, jala naso tupa lehononku tuhalaki manang ise nanaeng mangalului harajaon ki, jolo di lakkai majo bangke ku.

Kristen            : Sai saut ma lomo ni roham

Baoa 3             :  lomo ku do nasaut di portibion, ai au di namar huaso, naikkon do oloan ni sude jolma angka parentaku, molo dang di oloi jalo on nama balosna sian au (ha..ha..haa…)

Kristen            : Di banua tonga on songon na dibanua ginjang

Baoa 4             : ces..ces.. dison do portibion, unang suntuk ho, loja maho mamikiri I, ianggo surgoiboi do tabaen marhite angka pikiranta, ai ikkon pakke on do utok-utok. Didia do di baen ho utok-utok mi..?? nadi dugul-dugul mi do di baen ho..? pakke utok-utok m, asa jumping mu surgoi. Molo porlu pakke segala cara, asal ma song-sonang.

Kristen            : Lehon ma tuhami Hangoluan siapari

Borua 2           : di boto ho do ulaon ni borua nuaeng on? Dang mangaloppa be, nungga gabe pengusaha songon au on. Jala usaha ki pe dang gratis, ikkon marhepeng do. Molo dang marhepeng ho, laho ho tu ladangan. Molo daong manakko ho, molo di kantor, KKN (Korupsi, kolusi, Nepotisme) ho, molo di partiga-tigaan arga baen tiga-tiga mi. aman kan..?? aha dope huroa? Napenting usaha tetap jalan. Ok… dodong.

Kristen            : Sesama dosa name songon panesa name di dosa ni dongan namardosa tu hami.

Baoa 5             :  Anggo masalah dosa do anon mai. Boi dope kompromi. Molo so boi kompromi, marparkaro pe jadi do. Hu sewa anon pengacara ku. Porang hita di pengadilan. Jala soal nama nesa dosa ni dongan mi tuho, urusan mu mai antong, dang urusan ku i. Sori jo Ces… Godang karejo ku. Unang sai holan namartangiangi karejom. Lului ulaon mu.

Kristen            : unang togihon hami Tu Pangunjunan

Baoa 6             :  Oto maho..!! pangunjunan nimmu..??  dang adong I, jadi unang mabiar ho molo di unjungi. Ai molo di pakke ho do utok-utok mi, dang jadi ro tu ho angka pangunjunan. Sonang maho di ngolum.

Kristen            : Palua ma hami sian Pangago

Baoa 7             : Molo pangagoi jolma do mambahen I, molo diago halak ho..? unang gabe ma oto. Alai nasa tolap ni gogom, manang mate-matem alo. Molo daong, lao ho tu datu an, adong do disi angka parbinotoan mangalo musu. Kan ngaberes be sude. Oto nai ho. Songon banci do huroa ho..?

MC                  : O… Hamu sude angka jolma na mardosa, pauba ma roham, rajumi ma saluhut angka naung jinalom, naung di hilala ho di ngolum, naung pinanganmu, naung ni inummu. Saleleng ho mangolu. Sasude nai marharoan sian Debata do i.

Sudena            : Ale Tuhan Debata, marpamuati ma roham di hatoison name I, nuaeng nunga hurajumi hami ai, Ho do nampuna Harajaon, Hagogoon, rodi Hasangapon saleleng-ni leleng na. Amen.